СЫНЫПТЫҚ АТА-АНАЛАР ЖИНАЛЫСЫ- БАЛА БОЛАШАҒЫНА БІРЛЕСКЕН ЖАУАПКЕРШІЛІК

Ө.Жолдасбеков атындағы №9 ІТ лицейінде «Адал азамат» біртұтас тәрбие бағдарламасы аясында ІІ ауысым сыныптарының ата-аналарына арналған сыныптық жиналыс  ұйымдастырылып өтті. Жиналыстың басты мақсаты – оқушының білім сапасын арттыру, тәрбие мен оқу үдерісіндегі өзара байланысты нығайту және ата-ана мен лицей арасындағы серіктестікті күшейту болды.

 Күн тәртібіндегі негізгі мәселелер жан-жақты қарастырылды:

 1. ІІІ тоқсан қорытындысы – білім сапасына талдау

Сынып жетекшілері 2025–2026 оқу жылының ІІІ тоқсаны бойынша оқушылардың білім сапасын саралап, әр оқушының үлгерімі, жетістіктері мен даму динамикасына нақты тоқталды. Сонымен қатар, алдағы кезеңде нәтижені жақсарту жолдары ұсынылды.

 2. Қосымша сабақтардың кестесі

Оқушылардың біліміндегі олқылықтардың орнын толықтыру және білім сапасын арттыру мақсатында ұйымдастырылған қосымша сабақтардың кестесі таныстырылып, ата-аналарға баланың жүйелі қатысуының маңыздылығы түсіндірілді.

 3. Жазғы сессияға дайындық жұмыстары

Алдағы қорытынды кезең – жазғы сессияға дайындық барысы талқыланып, емтихан талаптары, консультациялар мен дайындық жоспары жөнінде толық ақпарат берілді.

 4. Оқушылардың жазғы демалысын ұйымдастыру

Жазғы демалысты тиімді әрі қауіпсіз ұйымдастыру мәселесі қозғалып, балалардың бос уақытын пайдалы өткізу, лагерьлерге қатысу, қауіпсіздік шараларын сақтау бойынша ұсыныстар айтылды.

 5. «SWOT талдау: бүгінгі қадам – ертеңгі сенімді болашақ»

Сынып жетекшілері оқушылардың жеке ерекшеліктерін ескере отырып, олардың күшті және әлсіз тұстарын, мүмкіндіктері мен қауіптерін анықтап, болашаққа бағыт-бағдар берудің маңыздылығын атап өтті.

 6. Әртүрлі мәселелер

Жиналыс барысында ата-аналар өздерін толғандырған сұрақтарын қойып, нақты жауаптар алды. Ұсыныстар мен пікірлер ортаға салынып, бірлескен шешімдер қабылданды.

 Жиналыстың маңыздылығы:

Бұл кездесу – ата-ана, мұғалім және оқушы арасындағы тығыз байланысты нығайтып, әр баланың сапалы білім алып, саналы тәрбие алуына бағытталған маңызды алаң болды.

 Қорытынды:

Бала тәрбиесі – ортақ міндет. Лицей мен ата-ана арасындағы бірлік пен өзара түсіністік арқылы ғана оқушылардың білімді, тәрбиелі әрі бәсекеге қабілетті тұлға болып қалыптасуына жол ашамыз.