16
маусым
2026
ӨНЕРГЕ ТОЛЫ ЖАРҚЫН КҮН !
Ө.Жолдасбеков атындағы №9 ІТ лицейі жанындағы «Балдәурен» жазғы сауықтыру лагерінде бүгін оқушылар үшін ерекше көңіл-күй сыйлаған, өнер мен шығармашылыққа толы музыкалық байқау ұйымдастырылды. Іс-шараның басты мақсаты – балалардың бойындағы талантты анықтау, өнерге деген қызығушылығын арттыру, сахна мәдениетін қалыптастыру және олардың шығармашылық қабілеттерін дамыту болды.
Байқау барысында лагерь тәрбиеленушілері өздерінің сүйікті әндерін орындап, көрермендерге көтеріңкі көңіл-күй сыйлады. Әр қатысушы сахнада өз өнерін барынша көрсетуге тырысып, ән айту шеберлігімен, сахнада өзін еркін ұстай білуімен және орындаушылық мәдениетімен ерекшеленді. Балалардың өнерге деген сүйіспеншілігі мен шығармашылық ізденісі көрермендердің ыстық ықыласына бөленді.
Музыкалық байқау тек өнер жарысы ғана емес, сонымен қатар балаларды батылдыққа, өзіне деген сенімділікке, жауапкершілікке және достық қарым-қатынасқа тәрбиелейтін маңызды шара болды. Қатысушылар бір-біріне қолдау көрсетіп, өнердің адамдарды жақындастыратын үлкен күш екенін дәлелдей білді. Әрбір өнерпаздың орындауы ерекше әсер қалдырып, көрермендерге ұмытылмас сәттер сыйлады.
Байқау қорытындысы бойынша өз өнерімен көзге түскен үздік орындаушылар арнайы марапатталып, алғыс хаттармен және ынталандыру сыйлықтарымен марапатталды. Бұл балалардың шығармашылыққа деген ынтасын арттырып, жаңа жетістіктерге жетелеуге үлкен мотивация берді.
Осындай тәрбиелік мәні зор іс-шаралар арқылы лагерь тәрбиеленушілері өз қабілеттерін шыңдап қана қоймай, мәдениет пен өнердің құндылығын терең түсінуге мүмкіндік алды. Көңілді әндер, жарқын эмоциялар мен көтеріңкі көңіл-күйге толы бұл күн балалардың жадында ұзақ сақталатын ерекше күндердің біріне айналды.
Өнер – жүректен жүрекке жол табатын құдіретті күш. Бүгінгі музыкалық байқау осының айқын дәлелі болды.