«ЕРТЕГІЛЕР ӘЛЕМІ» – ҚИЯЛҒА ТОЛЫ ҒАЖАЙЫП САЯХАТ!

Ө.Жолдасбеков атындағы №9 ІТ лицейі жанындағы «Балдәурен» жазғы сауықтыру лагерінде күн тәртібіне сәйкес ерекше форматтағы «Ертегілер әлемі» танымдық-ойын-сауық бағдарламасы ұйымдастырылды.

Іс-шара барысында зал толықтай заманауи кинотеатр үлгісінде безендіріліп, төбе мен қабырғаларда 3D визуалды эффектілер көрсетілді. Балалар өздерін ғажайып әлемнің ішінде жүргендей сезініп, әсерлі көріністердің куәсі болды.

Көрсетілім барысында ғарыш әлемі, планеталар мен галактикалар, ғарыш кемелері мен космонавтар, алып динозаврлар, роботтар және түрлі анимациялық кейіпкерлер ұсынылды. Әрбір көрініс тәрбиеленушілердің қызығушылығын арттырып, олардың қиял әлемін кеңейтіп, жаңа білім мен әсер сыйлады.

Іс-шараның басты мақсаты – оқушылардың танымдық белсенділігін арттыру, шығармашылық ойлауын дамыту, есте сақтау және елестету қабілеттерін жетілдіру, ғылым мен техникаға деген қызығушылығын ояту болды. Балалар көрген бейнелер арқылы ғарыш құпиялары, ежелгі тіршілік иелері және болашақ технологиялары туралы түсініктерін кеңейтті.

«Ертегілер әлемі» бағдарламасы тәрбиеленушілерге көтеріңкі көңіл күй сыйлап қана қоймай, олардың дүниетанымын байытып, қиялын ұштауға мүмкіндік берді. Осындай мазмұнды іс-шаралар балалардың жазғы демалысын қызықты әрі пайдалы өткізуге, жаңа білім мен жарқын әсер алуға ықпал етеді.  Балалардың қуанышты жүздері мен таңданысқа толы әсерлері іс-шараның жоғары деңгейде өткенінің айқын дәлелі болды.