22
қараша
2025
ШАБЫТ ЖОБАСЫ
Лицейімізде «Шабыт» жобасы аясында театр өнері жандануда!
Шымкент қаласы білім басқармасына қарасты Ө. Жолдасбеков атындағы №9 ІТ лицейімізде «Шабыт» жобасы аясында театр үйірмесі ерекше іс-шара өткізді. М.Дулатовтың 140 жылдығына орай, лицей үйірмесінің жетекшілерінің ұйымдастыруымен 1-4 сынып оқушылары “Міржақыптың бала күнгі арманы” және “Бақытсыз Жамал” көрінісінен үзінділерді сахналады.
Үйірме жетекшілері – Бектурова Л.Р., Белкешева М.Б., Айдарова Г.А., Салыбекова А.О., Турмухамедова Д.Б. – балалардың өнерін дамытып, шығармашылық қабілеттерін ашуға үлкен үлес қосты.
Бұл шара оқушыларға тек сахналық шеберлікті емес, сондай-ақ қазақ әдебиетінің классикалық шығармаларын түсіну, шығармашылықпен ойлау, өз ойларын ашық білдіру қабілетін дамытуға мүмкіндік берді. Балалар М.Дулатовтың көркемдік және рухани әлемімен танысып, оның өмірі мен шығармашылығын тереңірек түсінді.
Нәтижесі:Шығармашылық қабілеттері дамыған балалар сахнада өздерін сенімді сезінді.
Қазақ әдебиеті мен мәдениетінен алған білімдерін практикада көрсетті.
Әдеби мұраны құрметтеу, рухани-мәдени құндылықтарды ұғыну дағдылары қалыптасты.
Лицейімізде өнер мен білімнің бірлігін көрсеткен бұл іс-шара оқушылардың мәдениет пен шығармашылыққа деген қызығушылығын арттырып, болашаққа сеніммен қадам басуына ықпал етті.