31
қазан
2025
ӨНЕР МЕН ЭСТЕТИКА
Эстетика мен өнер тоғысқан шығармашылық күн 28 қазан 2025 жылы Шымкент қаласы білім басқармасына қарасты Ө.Жолдасбеков атындағы №9 ІТ лицейінде күзгі демалыс жоспарына сәйкес Этика және эстетика кафедрасының мұғалімдері көркем еңбек және музыка пәндері бойынша оқушылармен мазмұнды үйірме жұмыстарын өткізді.
Көркем еңбек пәні мұғалімдері оқушылармен бірге шығармашылық қабілеттерін дамытып, эстетикалық талғам мен еңбекқорлық дағдыларын қалыптастыруға бағытталған сабақтар жүргізді.Балалар табиғи материалдармен жұмыс жасап, түрлі қолөнер бұйымдарын, күзгі көріністер тақырыбындағы коллаждар мен композициялар жасады.
Мұғалімдер әр оқушының қиялы мен талғамын ашуға мүмкіндік беріп, «еңбек пен өнер – рухани байлықтың бастауы» екенін түсіндірді.
Ал музыка пәнінің ұстаздары оқушылармен бірге өнердің адам өміріндегі маңызы, әуен мен ырғақтың адам жанына әсері туралы қызықты әңгімелер өткізіп, музыкалық шеберлікті арттыруға бағытталған шығармашылық жаттығулар ұйымдастырды.Оқушылар түрлі әндер орындап, аспаптық сүйемелдеу арқылы өз қабілеттерін танытты. Бұл сәт – баланың рухани әлемін байытып, әсемдік пен гармонияны сезінудің ерекше үлгісі болды.
Этика және эстетика кафедрасының бұл бір күндік шығармашылық жұмысы – оқушылардың бос уақытын тиімді өткізуге, эстетикалық және рухани тәрбиесін нығайтуға бағытталған игі бастама.Іс-шара барысында оқушылар бойында:
өнерге және еңбекке сүйіспеншілік;
ұқыптылық пен талғампаздық;
ұжымдық рух пен өзіне сенімділік;
сұлулықты сезіну және бағалай білу қабілеті қалыптасты.
Күн соңында оқушылардың қолынан шыққан туындылар мен орындаған музыкалық нөмірлерден шағын шығармашылық көрме мен концерт ұйымдастырылды. Бұл шара оларға зор шабыт, көтеріңкі көңіл-күй және өз күшіне деген сенім сыйлады.
Өнер мен эстетика – адам жүрегін ізгілікке жетелейтін құндылық.