ЖАСӨСПІРІМДЕР АРАСЫНДА ҚҰҚЫҚБҰЗУШЫЛЫҚТЫҢ АЛДЫН-АЛУ ТУРАЛЫ КЕЗДЕСУ

Лицейде құқықтық сағаттар мен кездесу ұйымдастырылды.

Шымкент  қаласы білім  басқармасына  қарасты  лицейімізде ДТІЖО Н. Р. Дусметова  және мектеп инспекторы Шакалак Жандаулет оқушылардың құқықтық сауаттылығын арттыру мақсатында ерекше іс-шара ұйымдастырды. Мектеп инспекторымен және кәмелетке толмағандар арасында ерте жүктіліктің алдын алу, жыныстық және тұрмыстық зорлық-зомбылық мәселелерін талқылауға мүдделі мемлекеттік органдардың мамандарымен бірлесіп құқықтық сағаттар өткізілді.

 Іс-шараның негізгі мақсаттары:

Оқушыларға өз құқықтары мен міндеттері туралы толық ақпарат беру.

Жасөспірімдер арасында зорлық-зомбылықтың алдын алу, қауіпсіз өмір сүру дағдыларын қалыптастыру.

Ерте жүктілік мәселесіне қатысты білімдерін арттыру, жауапкершілік сезімін ояту.

Қоғамдық, құқықтық және адамгершілік құндылықтарды насихаттау.

 Іс-шара барысында қыздар мен ұлдарға арналған түрлі тренингтер, сұрақ-жауап сессиялары өткізілді. Мектеп инспекторы мен мамандар нақты мысалдар мен практикалық кеңестер арқылы оқушыларға өз қауіпсіздігін сақтаудың жолдарын түсіндірді.

 Мазмұндық құндылығы:

Бұл шара оқушылардың құқықтық сауаттылығын арттырып қана қоймай, олардың жеке қауіпсіздігіне жауапкершілікпен қарауға, зорлық-зомбылықтан қорғанудың нақты әдістерін білуге мүмкіндік береді. Сонымен қатар, жас ұрпақта дұрыс мінез-құлық, жауапкершілік, адамгершілік құндылықтарды қалыптастыруға септігін тигізеді.

 Мұндай іс-шаралар мектеп қабырғасынан тыс білім беруді толықтырып, оқушылардың рухани, психологиялық және әлеуметтік дамуына маңызды үлес қосады.