04
қазан
2025
ҰСТАЗҒА ТОСЫН СЫЙ!
Шымкент қаласы білім басқармасына қарасты Ө.Жолдасбеков атындағы №9 ІТ лицейінде «Ұстазға алғыс» апталығы аясында бастауыш сынып оқушылары өздерінің ыстық ықыласын білдіру мақсатында ерекше шараға атсалысты.
1–4 сынып оқушылары қолөнер жұмыстарын жасап, ұстаздарына тосын сый дайындауда. Бұл еңбектер — тек қана әдемі бұйым емес, шәкірт жүрегіндегі шынайы алғыс пен махаббаттың айғағы.
Мұндай шығармашылық әрекеттер балалардың ұстаз еңбегін бағалауға, ізгілік пен құрмет сезімін қалыптастыруға, ең бастысы, «Ұстазға алғыс – ұрпаққа өнеге» құндылығын дәріптеуге бағытталған.Ұстазға деген шәкірт сүйіспеншілігі — білім мен тәрбиенің алтын арқауы.