"Оқұға құштар мектеп" жобасы аясында конференция

Шымкент қаласы білім басқармасына қарасты Ө.Жолдасбеков атындағы №9 ІТ лицейінде 11 наурыз күні «Оқуға құштар мектеп» жобасы аясында «Кітап – жан азығы» тақырыбында танымдық кеш өткізілді. Бастауыш білім мен орта буын, жоғары сынып білім алушыларына қазіргі таңда қандай кітаптар оқу керектігі туралы кеңестер беріліп,  кітап оқудың жаңа әдіс-тәсілдерімен таныстырды. Іс-шарада бірнеше мұғалімдер презентациялық баяндамалары арқылы кітап оқуға қалай қызықтырудың жолдарын көрсете білді. Өлеңдер оқылып, ән шырқалып, би биленіп, танымдық кеш тыңдаушылары дән риза болды. Бүгінгі қоғамда рухани құндылықтарды кітап оқу арқылы қалыптастырудың маңызы зор екендігі атап көрсетілді. Кітап -  білімнің негізгі кілті. Бүгінгі кеште оқушы жастарға кітаптың  тек қана оқу үшін емес, таным көкжиегін және тіл байлығын кеңейту үшін де қажет екендігі айтылды. Кітап оқуға - баланы келешекте жаман әдеттерден, теріс қылықтардан  сақтануға, рухани жан дүниесі бай, ой-өрісі кең азамат болып қалыптасуына лицей мұғалімдері мен кітапханашылары өз үлестерін қосуда.