МЕМЛЕКЕТТІК РӘМІЗДЕР – ЕЛДІГІМІЗДІҢ АЙБАРЫ

2026 жылғы 4 маусым күні сағат 09:00-де Қазақстан Республикасының Мемлекеттік Рәміздер күніне орай еліміз бойынша бір мезетте Қазақстан Республикасының Мемлекеттік Туын көтеру рәсімі және Мемлекеттік Әнұранды салтанатты орындау іс-шарасы өткізілді.

Аталған патриоттық шараға Ө. Жолдасбеков атындағы №9 ІТ лицейі жанындағы «Балдәурен» жазғы сауықтыру лагерінің оқушылары белсене қатысты. Оқушылар Мемлекеттік Туымызға құрмет көрсетіп, Әнұранды зор мақтанышпен орындады. Бұл тағылымды іс-шара жас ұрпақтың бойында отансүйгіштік қасиеттерді қалыптастырып, ұлттық құндылықтарды дәріптеуге, мемлекеттік рәміздерді қастерлеуге бағытталды.

Мемлекеттік рәміздер – Тәуелсіздігіміздің тұғыры, елдігіміздің ең қастерлі белгілері. Ту, Елтаңба және Әнұран әрбір қазақстандықтың жүрегінде Отанға деген сүйіспеншілік пен мақтаныш сезімін ұялатады. Осындай маңызды іс-шараларға қатысу арқылы оқушылар ел тарихын құрметтеуге, мемлекеттік нышандардың мәні мен маңызын терең түсінуге мүмкіндік алды.

Көк байрағымыз әрдайым биікте желбіреп, Тәуелсіз Қазақстанымыздың мәртебесі асқақтай берсін!