“СПОРТ- ДЕНСАУЛЫҚ КЕПІЛІ” ОҚУШЫЛАРДЫҢ САЛАУАТТЫ ӨМІР САЛТЫН ҚАЛЫПТАСТЫРУҒА БАҒЫТТАЛҒАН ІС-ШАРА

Ө.Жолдасбеков атындағы №9 ІТ лицейінде «Спорт – денсаулық кепілі» күні өтті

2026 жылғы 29 мамыр күні Ө. Жолдасбеков атындағы №9 ІТ лицейінде жазғы лагері аясында оқушылардың денсаулығын нығайтуға, салауатты өмір салтын қалыптастыруға және қауіпсіздік мәдениетін арттыруға бағытталған «Спорт – денсаулық кепілі» атты күндік іс-шара жоғары деңгейде ұйымдастырылып өткізілді.

Іс-шараның негізгі мақсаты – балалардың денсаулығын сақтау, дене белсенділігін арттыру, дұрыс тамақтану мәдениетін қалыптастыру және жазғы кезеңдегі қауіпсіздік ережелерін түсіндіру арқылы өмір қауіпсіздігін қамтамасыз ету болды.

Күн тәртібі бойынша өткізілген жұмыстар:

Балаларды қабылдау

Бой жазу жаттығулары

«Музыкалық сағат» (отряд әндерін үйрету)

«Тәтті шай» – жеңіл ас ұйымдастыру

«Дені саудың – жаны сау» тақырыбында мектеп дәрігерінің әңгімесі

«Армандар орындалады» – оқушылардың тілектер жазуы

Үйге қауіпсіз қайту

 Іс-шараға мектеп дәрігері, дене шынықтыру мұғалімдері және топ жетекшілері жауапты болып, балалардың денсаулығы мен қауіпсіздігін толық бақылауда ұстады.

 Қосымша түрде «Сақ бол, балақай!» қауіпсіздік сағаты өткізілді. Оқушыларға жазғы уақытта кездесуі мүмкін зиянды жәндіктерден (кене, маса және т.б.) сақтану жолдары, табиғаттағы қауіпсіздік ережелері және жеке гигиенаны сақтау туралы түсіндірме жұмыстары жүргізілді.

 Іс-шара барысында оқушылар белсенді қатысып, денсаулықты сақтау, дұрыс өмір салтын ұстану және қауіпсіздік ережелерін білу бойынша маңызды ақпарат алды.

  «Спорт – денсаулық кепілі» күні оқушылардың денсаулығын нығайтып, салауатты өмір салтын насихаттаған, қауіпсіздік мәдениетін арттырған және мазмұнды ұйымдастырылған тәрбиелік іс-шара ретінде жоғары деңгейде өтті.