“БАЛАМЕН ТИІМДІ ҚАРЫМ-ҚАТЫНАС” ТАҚЫРЫБЫНДА ПСИХОЛОГИЯЛЫҚ ТРЕНИНГ

Ө.Жолдасбеков атындағы №9 IT лицейінде 11 “В” сынып оқушыларының ата-аналарымен «Баламен тиімді қарым-қатынас» тақырыбында психологиялық тренинг өткізілді.

 Тренингтің мақсаты: Ата-аналардың баланы мұқият тыңдай білу дағдыларын дамыту, сенімді қарым-қатынас орнатуға үйрету.

Тренинг барысында ата-аналар «Жүрек жылуы» жаттығуы арқылы бір-бірімен жақынырақ танысып, жылы атмосфера қалыптасты. Сонымен қатар, әр ата-ана балаларға деген ақ тілектері мен жүрекжарды лебіздерін білдірді.

Кездесу барысында қазіргі таңда бала тәрбиесіндегі маңызды дағдылардың бірі — баланы тыңдай білу мәселесіне ерекше назар аударылып, «Белсенді тыңдау» жаттығуы өткізілді. Ата-аналар балалардың сезімін түсініп, қолдау көрсетудің, сенімді қарым-қатынас орнатудың маңыздылығы туралы тәжірибе алмасты.

Сондай-ақ, оқушылардың  психологиялық әл-ауқатын жақсартуда отбасы мен ата-ананың рөлі туралы ұсыныстар мен пайдалы кеңестер берілді.

 Осындай мазмұнды кездесулер ата-ана мен бала арасындағы байланысты нығайтып, өзара түсіністік пен қолдаудың маңызын арттыра түседі.