“ЗАҢ МЕН ТӘРТІП“ ТҰЖЫРЫМДАМАСЫ АЯСЫНДА “ТЕЛЕКӨПІР” ФОРМАТЫНДАҒЫ АУҚЫМДЫ ПРОФИЛАКТИКАЛЫҚ КЕЗДЕСУ

Ө.Жолдасбеков атындағы №9 IT лицейінің 8 сынып оқушылары Шымкент қалалық прокуратурасының ұйымдастыруымен өткен «Заң мен тәртіп» тұжырымдамасын ілгерілету аясындағы «телекөпір» форматындағы ауқымды профилактикалық кездесуге қатысты.

Жастар мен жасөспірімдерге құқық бұзушылықтың алдын алу, заң талаптарын сақтау және құқықтық мәдениетті қалыптастыру мәселелері кеңінен айтылды.

Кездесуге қала прокурорының орынбасарлары , қылмыстық-атқару жүйесі департаментінің басшылығы, қоғам белсенділері, спортшылар мен құқық қорғау саласының мамандары қатысып, оқушыларға маңызды ақпараттармен бөлісті.