«ІЗГІЛІК ТОЛҚЫНЫ #QamqorBol» – МЕЙІРІМ МЕН ЖАУАПКЕРШІЛІККЕ БАСТАР МАҢЫЗДЫ ҚАДАМ

Білім басқармасының Әдістемелік орталығының ұйымдастыруымен, Қазақстан Республикасы Мәдениет және ақпарат министрлігінің 2026 жылғы №10-08-07/3094 хатына сәйкес Шымкент қаласы білім басқармасынақарасты Ө.Жолдасбеков атындағы №9 ІТлицейінде «Таза Қазақстан» акциясы аясында 21 сәуір күні балалар мен жасөспірімдер арасында жануарларға деген адамгершілік және жауапкершілік қарым-қатынасты қалыптастыруға бағытталған «Ізгілік толқыны #QamqorBol» республикалық челленджі өткізілді.

Аталған челлендж – тек бір күндік шара емес, бұл өскелең ұрпақтың жүрегіне мейірім ұялатып, табиғат пен тіршілік иелеріне жанашырлықпен қарау мәдениетін қалыптастыратын маңызды тәрбиелік бастама. Қазіргі қоғамда экологиялық сана мен этикалық құндылықтарды дамыту – аса өзекті мәселелердің бірі. Осы ретте «Ізгілік толқыны» челленджі оқушыларды жануарларға қамқорлық көрсетуге, олардың құқықтарын құрметтеуге және қоршаған ортаға жауапкершілікпен қарауға үндейді.

Челлендж барысында оқушылар түрлі форматтағы іс-шараларға белсенді қатысты:  жануарларға қамқорлық жасау акциялары

 ақпараттық-түсіндіру жұмыстары

 әлеуметтік желілерде ізгілікке шақыратын бейнероликтер мен жазбалар жариялау

 шығармашылық жұмыстар мен флешмобтар

Бұл бастама арқылы балалар тек теориялық білім алып қана қоймай, нақты іс-әрекет арқылы мейірімділік, жанашырлық, жауапкершілік сияқты маңызды адами қасиеттерді бойларына сіңірді.

 «QamqorBol» – бұл ұран ғана емес, бұл – әр адамның өмірлік ұстанымына айналуы тиіс құндылық.

Жануарларға деген ізгілік – адамның ішкі мәдениетінің айнасы. Ал бүгінгі жас ұрпақтың санасына осы құндылықтарды сіңіру – жарқын болашақтың кепілі.

 Бірге мейірімді қоғам қалыптастырайық!