АЗАМАТТЫҚ ҚОРҒАНЫС БОЙЫНША ОҚУ- ЖАТТЫҒУ

Ө.Жолдасбеков атындағы  №9 ІТ лицейінде оқушылардың қауіпсіздігін қамтамасыз ету, төтенше жағдайларда дұрыс әрекет ету дағдыларын қалыптастыру және азаматтық қорғаныс мәдениетін дамыту мақсатында «Азаматтық қорғаныс бойынша оқу-жаттығу» ұйымдастырылды.

 Аталған оқу-жаттығу лицейіміздің І және ІІ ауысым оқушыларының қатысуымен толық қамтылып өткізілді. Іс-шара барысында төтенше жағдайлар кезінде (өрт, жер сілкінісі, басқа да қауіп-қатерлер) дұрыс әрі жедел әрекет ету жолдары тәжірибелік түрде көрсетілді.

 Оқушыларға дабыл белгісі берілген сәттен бастап ғимараттан қауіпсіз әрі тәртіппен эвакуациялану, қауіпсіз орынға жиналу, алғашқы көмек көрсету негіздері түсіндіріліп, іс жүзінде орындалды. Әрбір сынып жетекшісі мен жауапты тұлғалардың үйлесімді әрекеті нәтижесінде оқу-жаттығу жоғары деңгейде ұйымдастырылды.

 Шара барысында оқушылар өздерінің қауіпсіздікке қатысты білімдерін нығайтып, төтенше жағдайларда сабыр сақтап, дұрыс шешім қабылдаудың маңыздылығын түсінді.

 Бұл оқу-жаттығудың басты құндылығы – оқушылардың өмір қауіпсіздігіне деген жауапкершілігін арттыру, кез келген жағдайда өзін және айналасындағыларды қорғауға дайын болуға тәрбиелеу болып табылады. Сонымен қатар, бұл шара оқушылардың ұйымшылдығын, тәртіптілігін және шапшаң әрекет ету қабілеттерін дамытуға ықпал етті.

 Осындай тәжірибелік іс-шаралар арқылы лицейімізде қауіпсіз орта қалыптастыруға және төтенше жағдайларға дайын, саналы ұрпақ тәрбиелеуге ерекше көңіл бөлінуде.

 Алдағы уақытта да оқушылардың қауіпсіздігін қамтамасыз ету бағытындағы жұмыстар жүйелі түрде жалғасын табады.