КІТАП-АСЫЛ ҚАЗЫНА” 1-АУЫСЫМ ОҚУШЫЛАРЫНЫҢ КІТАП СЫЙЛАУ ЧЕЛЛЕНДЖІ

Ө.Жолдасбеков атындағы №9 IT лицейінде «Біртұтас тәрбие бағдарламасы» аясында 1-ауысым оқушыларының «Кітап – асыл қазына» атты кітап сыйлау челленджі ұйымдастырылды.

Челлендждің басты мақсаты – оқушылар арасында кітап оқуға деген қызығушылықты арттыру, кітапқа құрметпен қарау мәдениетін қалыптастыру және рухани құндылықтарды насихаттау. Іс-шара барысында оқушылар бір-біріне кітап сыйлап, ізгі ниет пен білімге деген сүйіспеншіліктерін көрсетті.

Бұл бастама оқушылардың белсенділігі мен ұйымшылдығын айқындап, кітаптың адам өміріндегі маңызын терең түсінуге жол ашты. Кітап сыйлау арқылы оқушылар өзара сыйластық пен рухани байланысты нығайта түсті.

«Кітап – асыл қазына» челленджі мазмұнды әрі тәрбиелік мәні зор іс-шара ретінде өтіп, лицей оқушыларына жағымды әсер қалдырды. Мұндай игі бастамалар алдағы уақытта да жалғасын тауып, жас ұрпақтың кітапқа деген сүйіспеншілігін арттыра беретіні сөзсіз.