РЕСПУБЛИКАЛЫҚ “ ЖАС ҰЛАН” БАЛАЛАР МЕН ЖАСӨСПІРІМДЕР ҰЙЫМЫНА САЛТАНАТТЫ ҚАБЫЛДАУ РӘСІМІ

«Еңбегі адал жас өрен» жобасы аясында Республикалық «Жас ұлан» балалар мен жасөспірімдер ұйымына салтанатты қабылдау рәсімі өтті!

12.11.2025 жыл күні Шымкент қаласы білім басқармасына қарасты  Ө.Жолдасбеков атындағы №9 IT лицейінің мәжіліс залында ерекше толқу мен қуанышқа толы сәттер орын алды. 5-сынып оқушылары еліміздің мақтанышы — болашақ адал азамат , отаншыл жас өрендер қатарын толықтырды. Оқушылар көк туымыздың түсіндей көгілдір галстуктерін тағып, «Жас ұлан» антын қабылдап, туған еліне адал болуға, Отанын сүюге, білімге ұмтылуға ант берді.

Бұл салтанатты рәсімнің мақсаты — жас буынның бойында елжандылықты, патриоттық рухты, адамгершілік пен жауапкершілік қасиеттерін қалыптастыру. «Жас ұлан» ұйымына қабылдану – әрбір оқушының өміріндегі маңызды әрі есте қаларлық кезең.

Іс-шараны  ұйымдастырған ДТІЖО Н.Р.Дусметова, аға тәлімгер Э.Ж.Султанбаева,сондай-ақ 5-сынып жетекшілері мен ата-аналарға алғыс білдіреміз. Олардың ұжымдық еңбегі – оқушылар бойындағы елжандылықтың, бірліктің және еңбексүйгіштіктің жарқын көрінісі болды.

Жаңа қабылданған жас ұландарымызға биік армандар, үлкен мақсаттар мен табыстар тілейміз!

Туған елінің даңқын арттырар адал ұландар болыңдар!