09
қазан
2025
ЖҮРЕКТЕГІ ЭМОЦИЯЛАР ӘДІСІ
Өзіне-өзі көмектесу және өзін-өзі қорғау дағдыларын дамыту тренингі
2025–2026 оқу жылында Қазақстан Республикасының білім беру ұйымдарында Ата-аналарды педагогикалық қолдау орталықтарының (АПҚО) қызметін ұйымдастыру жоспары аясында Шымкент қаласы білім басқармасына қарасты Ө. Жолдасбеков атындағы №9 ІТ лицейде 6 «Ғ» сынып оқушыларымен
«Өзіне-өзі көмектесу және өзін-өзі қорғау дағдыларын дамыту» тақырыбында тренинг өткізілді.
Тренингті АПҚО жетекшілері – Мошкалова Л.Д. және Абенова Ж.А. жүргізді.
Мақсаты:Оқушылардың өз қауіпсіздігін сақтай білу, сенімді мінез-құлық көрсету және көмек сұрау дағдыларын қалыптастыру.
Міндеттері:Балаларды өз жеке шекараларын қорғауға үйрету;
Қысым немесе қауіп жағдайында әрекет ету алгоритмін түсіндіру;
Көмек сұрау және өз сезімін ашық білдіру дағдыларын бекіту.
Тренинг барысында оқушылармен «Мен кімге сене аламын?» және «Жүректегі эмоциялар» атты қызықты психологиялық жаттығулар өткізілді.Бұл тапсырмалар арқылы балалар өз сезімдерін тануға, сенімді қарым-қатынас орнатуға және өз ішкі күйін дұрыс жеткізуге үйренді.
Сондай-ақ, тренинг кезінде «Қауіпсіздіктің 5 қадамы» ережесі талқыланды:
Маған қорқынышты болса, не істеймін?
Мен кімнен көмек сұрай аламын?
Жағдайдың қауіпті екенін қалай түсінемін?
Көмек сұрау үшін қандай сөздерді қолдануға болады?
Өзімді жайлырақ сезінуге не көмектеседі?
Қорытынды:Тренинг соңында қатысушылар қауіпсіз мінез-құлықтың маңызын түсініп,
«Менің қауіпсіздік жоспарым» атты практикалық тапсырманы орындады.
Оқушылар өз ойларымен бөлісіп, қиын жағдайларда өзін қалай ұстау керектігін және кімнен көмек сұрауға болатынын нақты білді.
Бұл іс-шара балалардың психологиялық тұрақтылығын арттырып, өзіне сенімділік пен жауапкершілік сезімін қалыптастыруға бағытталды.
Осындай тренингтер – «Біртұтас тәрбие» бағдарламасының «Қауіпсіз тұлға» бағытына сай, оқушының өмірлік дағдыларын дамытуға зор ықпал етеді.