09
қазан
2025
ҰЛТТЫҚ НАҚЫШТАҒЫ ӨНЕР ТУЫНДЫЛАРЫ
Лицейімізде "Ұлттық нақыштағы өнер туындылары" көрмесі ұйымдастырылды.
Бұл көрмеде көркем еңбек пәні мұғалімдерінің ою-өрнек және ағаш шеберлігі техникасы арқылы жасаған бірегей картиналары ұсынылған. Әрбір туынды — ұлттық дәстүр мен заманауи өнердің үндестігін көрсететін ерекше еңбек.
Ою-өрнектер — халқымыздың рухани мәдениетінің көрінісі. Мұғалімдер бұл туындыларда қазақтың бай мұрасын заманауи тәсілмен ұштастырып, ағаш материалын өңдеу арқылы көркем композициялар жасаған. Ағаштың табиғи құрылымын сақтай отырып, дәстүрлі өрнектермен безендірілген бұл картиналар — шебер қол мен терең талғамның нәтижесі.
Көрме ұстаздардың тек үйретуші ғана емес, өз ісінің нағыз шебері екенін айқын дәлелдейді. Әр жұмыс — авторлық қолтаңба, шығармашылық ізденіс пен ұлттық өнерге деген шексіз сүйіспеншіліктің жемісі.
Ұйымдастырған көркем еңбек пәні мұғалімдері: А.Серқұл,Н.Мартынюк,Г.Сургалиева,Ж.Симағамбетова, П.Халмырзаева.