БАЛДӘУРЕН ЛАГЕРІНДЕ ЖАРҚЫН ӘСЕРГЕ ТОЛЫ КҮН !

Ө.Жолдасбеков атындағы №9 ІТ лицейі жанындағы «Балдәурен» жазғы сауықтыру лагерінің оқушылары бүгін қаламыздағы заманауи ойын-сауық орталықтарының бірі – Firkan City кешеніне барып, ерекше көңіл-күй мен ұмытылмас әсерге толы күн өткізді.

Экскурсияның басты мақсаты – балалардың жазғы демалысын қызықты әрі мазмұнды ұйымдастыру, олардың бос уақытын тиімді өткізуіне жағдай жасау, достық қарым-қатынасты нығайту және жағымды эмоциялар сыйлау болды. Ойын-сауық кешенінде оқушылар әртүрлі аттракциондар мен ойын алаңдарында уақыт өткізіп, белсенді демалыстың барлық мүмкіндіктерін пайдаланды. Балалардың жүздерінен шаттық пен қуаныштың нұрын көру – бұл күннің ең үлкен жетістігі болды.

Іс-шара барысында оқушылар бір-бірімен еркін қарым-қатынас жасап, командалық ойындарға қатысып, өзара сыйластық, ұйымшылдық және достық құндылықтарын нығайтты. Мұндай танымдық әрі ойын-сауық бағытындағы шаралар балалардың эмоционалдық дамуына оң әсер етіп қана қоймай, олардың шығармашылық белсенділігін арттыруға, жаңа достар табуына және өзін еркін сезінуіне мүмкіндік береді.

Балалардың қауіпсіздігі мен жайлылығы толық қамтамасыз етіліп, әрбір тәрбиеленуші көтеріңкі көңіл-күймен, жарқын әсерлермен және ерекше естеліктермен оралды. Көңілді ойындар, қызықты аттракциондар, шат күлкі мен қуанышты сәттер бүгінгі күнді лагерь өміріндегі есте қаларлық ерекше күндердің біріне айналдырды.

 Осындай тәрбиелік мәні зор, қызықты әрі мазмұнды шаралар арқылы «Балдәурен» жазғы сауықтыру лагері оқушылардың демалысын тиімді ұйымдастырып, олардың жан-жақты дамуына, сергек әрі белсенді тұлға болып қалыптасуына өз үлесін қосуды жалғастыруда.