ЖАСӨСПІРІМДЕР АРАСЫНДА ҚҰҚЫҚБҰЗУШЫЛЫҚТЫҢ АЛДЫН АЛУ МАҚСАТЫНДА ПРОФИЛАКТИКАЛЫҚ КЕЗДЕСУ

«Адал азамат» біртұтас тәрбие жоспарына сәйкес Шымкент қаласы білім басқармасына қарасты Ө.Жолдасбеков атындағы №9 IT лицейінде ағымдағы жылдың 18 мамыр күні  жасөспірімдер арасындағы құқықбұзушылықтың, зиянды әдеттердің және қауіпті мінез-құлықтың алдын алу мақсатында профилактикалық кездесу ұйымдастырылды.

Іс-шараға Шымкент ҚПД Әл-Фараби АПБ ҚҚБ ЮПИ полиция капитаны, лицей инспекторы Ж.Қ.Шахалақ және ДТЖЖО Н.Р.Дусметова қатысып, білім алушылармен түсіндіру жұмыстарын жүргізді.

Кездесу барысында 5–7 сынып оқушыларына құқықбұзушылықтың алдын алу, кәмелетке толмаған жасөспірімдердің түнгі уақытта заңды өкілінсіз жүруіне қатысты заң талаптары, лицейдің ішкі тәртіп ережелерін сақтау, қоғамдық орындардағы қауіпсіздік мәселелері кеңінен түсіндірілді. Сонымен қатар буллинг пен әлімжеттікке жол бермеу, зиянды әдеттерден аулақ болу және заңсыз әрекеттердің алдын алу жөнінде маңызды ақпараттар берілді.

Ашық форматта өткен кездесуде оқушылар өздерін толғандырған сұрақтарын қойып, нақты жауаптар алды.