ОТБАСЫ - БАҚЫТ МЕКЕНІ “ ТАҚЫРЫБЫНДА СЫНЫП САҒАТЫ

Ө.Жолдасбеков атындағы №9 IT лицейінде 1 «В» сынып оқушылары жәнеисынып жетекшісі И.Т.Асабаева 15 мамыр — Халықаралық отбасы күніне орай «Отбасы- бақыт мекені» тақырыбында сынып сағаты өткізді.

Сынып сағаты барысында оқушылар отбасының адам өміріндегі маңызы туралы әңгімелесіп, өз ойларымен бөлісті. Сонымен қатар отбасы құндылықтарын дәріптеу мақсатында сурет салып, шығармашылық жұмыстар орындады.

Балалардың қолынан шыққан ерекше жұмыстарда отбасыға деген сүйіспеншілік, жылулық пен қамқорлық көрініс тапты. Бұл іс-шара оқушылардың отбасыға деген құрметін арттырып, жанұяның адам өміріндегі ең қымбат құндылық екенін ұғындыруға бағытталды.

Отбасы — әр адамның тірегі, бақыты мен берекесінің бастауы. Әр шаңырақта шаттық, татулық және мейірім мол болсын!