“ЖАСЫЛ БОЛАШАҚ” ТАҚЫРЫБЫНДА ЖАЛПЫҚАЛАЛЫҚ СЕНБІЛІК

Ө.Жолдасбеков атындағы №9 IT лицейі 2026 жылдың 25 сәуір күні «Жасыл болашақ» жалпықалалық сенбілігіне қатысты.

Лицей аумағындағы сенбілік «Таза Қазақстан» республикалық экологиялық акциясы аясындағы іс-шаралар жоспарына сәйкес ұйымдастырылды.

Сенбілік барысында лицей ұжымы белсенділік танытып, бекітілген аумақта санитарлық тазалық жұмыстары жүргізілді. Атап айтқанда, аумақ қоқыстан тазартылып, ретке келтірілді, жасыл желектерге күтім жасалып, абаттандыру жұмыстары атқарылды.

Іс-шараның негізгі мақсаты – қоршаған ортаны қорғау мәдениетін қалыптастыру, тазалықты сақтау және экологиялық жауапкершілікті арттыру.

Осындай игі бастамаларға үлес қосқан барлық қатысушыларға алғыс білдіреміз!