07
сәуір
2026
ТӘРБИЕ САҒАТЫ
Шымкент қаласы білім басқармасына қарасты Ө.Жолдасбеков атындағы №9 ІТ лицейінде 7 сәуір – Дүниежүзілік денсаулық күніне орай «Өмірге салауатты қадам» және «Денің сау болса – сен бақыттысың!» тақырыптарында бірыңғай тәрбие сағаттары мен қауіпсіздік сабақтары ұйымдастырылды.
1–4 сынып оқушылары үшінБастауыш сыныптарда «Өмірге салауатты қадам» тақырыбында өткізілген тәрбие сағатында оқушыларға денсаулықтың басты құндылық екені түсіндіріліп, дұрыс тамақтану, жеке бас гигиенасы, күн тәртібін сақтау туралы кеңінен айтылды.
Сонымен қатар 10 минуттық қауіпсіздік сабағында «Дүкендегі, супермаркеттегі мінез-құлық қағидалары» түсіндіріліп, қоғамдық орындарда өзін дұрыс ұстау мәдениеті қалыптастырылды. Оқушыларға қауіпсіздік ережелерін сақтау арқылы түрлі келеңсіз жағдайлардың алдын алуға болатыны нақты мысалдар арқылы жеткізілді.
5–8 сынып оқушылары үшінОрта буында «Өмірге салауатты қадам» тақырыбы аясында оқушылардың денсаулыққа жауапкершілікпен қарау, зиянды әдеттерден аулақ болу, белсенді өмір салтын ұстану құндылықтары насихатталды.
Қауіпсіздік сабағында «Көшедегі қауіпті нысандардан қалай аулақ болуға болады?» тақырыбы қарастырылып, әсіресе электр қалқандары (электрощит) маңында қауіпсіздік ережелерін сақтау қажеттілігі түсіндірілді. Сонымен қатар «Жол белгілері және олардың мақсаты» (ЖЖЕ №7) бойынша оқушылардың жол қозғалысы ережелері туралы білімдері кеңейтілді. Бұл сабақтар оқушылардың өмірлік қауіпсіздік дағдыларын қалыптастыруға бағытталды.
9–11 сынып оқушылары үшінЖоғары сыныптарда «Денің сау болса – сен бақыттысың!» тақырыбында өткізілген тәрбие сағаты барысында денсаулықтың адам өміріндегі маңызы, психологиялық және физикалық саулықтың өзара байланысы кеңінен талқыланды. Оқушылар өз ойларымен бөлісіп, салауатты өмір салтын ұстанудың маңызын түсінді.
Қауіпсіздік сабағында «Төтенше жағдайларда дұрыс әрекет ете білу» тақырыбы қамтылып, түрлі қауіп-қатер жағдайларында (өрт, жер сілкінісі, техногендік апаттар) дұрыс шешім қабылдау, сабыр сақтау, алғашқы әрекеттерді орындау жолдары үйретілді.
Құндылықтық мәні:Аталған іс-шаралар оқушылардың денсаулыққа деген саналы көзқарасын қалыптастыруға, қауіпсіз мінез-құлық мәдениетін дамытуға, өмірлік дағдыларды меңгеруге бағытталды. Әсіресе, «Адал азамат біртұтас тәрбие» бағдарламасы аясында оқушылардың жауапкершілік, ұқыптылық, өзін-өзі қорғау және қоршаған ортаға бейімделу қабілеттері нығайтылды.
Денсаулық – адам өмірінің ең басты байлығы. Сондықтан әрбір оқушыға салауатты өмір салтын ұстану мен қауіпсіздік ережелерін сақтау – бүгінгі күннің басты талабы екені кеңінен түсіндірілді.