17-НАУРЫЗ “ ШАҢЫРАҚ “ КҮНІНЕ ОРАЙ “ОТБАСЫ-БАҚЫТ МЕКЕНІ” ТАҚЫРЫБЫНДА ТӘРБИЕ САҒАТЫ АТА-АНАЛАРДЫ ПЕДАГОГИКАЛЫҚ ҚОЛДАУ ОРТАЛЫҒЫ

Ө.Жолдасбеков атындағы №9 IT лицейінде 17.03.2026 жылы “Адал азамат-біртұтас тәрбие “бағдарламасы аясында үйірме жетекшілері Мошкалова Лаззат Демесбековна және Абенова Жазира Абдимомынқызының бастамасымен 

6 “А” сынып оқушылары және сынып жетекшісі  Шалданбаева Айжан Женисовна  мен Наурызнама онкүндігі аясында сынып оқушыларымен «Отбасы – бақыт мекені!» тақырыбында тәрбие сағатын өткізді. Сабақтың негізгі мақсаты – оқушыларға отбасының адам өміріндегі маңызын түсіндіру, ата-анаға деген құрмет пен сүйіспеншілікті арттыру, ұлттық құндылықтарды дәріптеу болды.

Тәрбие сағаты барысында бір топ ұлдар Наурыз тойына арнайы ақ батасын жаудырды.   Сонымен қатар Наурыз мерекесіне «Қара жорға» ,«Үкілі қыз » және қазақ домбырасында күй мен ән шырқалды.   

Оқушылар отбасы – әр адамның тірегі, қуанышы мен бақыты екенін түсініп, бір-біріне жылы тілектер білдірді. Іс-шара өте әсерлі әрі тәрбиелік мәні жоғары деңгейде өтті.

Наурыз мейрамы құтты болсын! Әр шаңыраққа береке, бірлік, бақ-береке тілейміз!