02
наурыз
2026
ТӘРБИЕ САҒАТЫ
24-апта (02.03–07.03) аясындағы сынып сағаттары: «Халықаралық әйелдер күні»Ө.Жолдасбеков атындағы №9 IT лицейінде 24-апта (02.03–07.03) аралығында «Халықаралық әйелдер күні» / «Международный женский день» тақырыбында бірыңғай сынып тәрбие сағаттары жоғары мазмұнда өткізілді.
Аптаның басты мақсаты – аналарға, ұстаздарға, әпке-қарындастарға деген құрметті арттыру, отбасы құндылықтарын дәріптеу және оқушылардың патриоттық санасын нығайту болды.
Аптаның дәйексөзі ретінде қазақтың батыр ұлы, даңқты қолбасшы Бауыржан Момышұлының «Патриотизм – ата-анаңды құрметтей білуің…» деген қанатты сөзі алынды. Бұл ой барлық сыныптарда кеңінен талқыланып, шынайы патриотизмнің бастауы – отбасындағы сыйластық пен анаға деген құрметтен басталатыны түсіндірілді.
🌷 «Халықаралық әйелдер күні» тақырыбындағы тәрбие сағаттары
Сынып сағаттарында оқушылар әйел-ана бейнесінің қоғамдағы рөлі, қазақ халқының қыз тәрбиесіне деген көзқарасы, отбасының берекесі туралы ой қозғады. Әдеби монтаждар, пікірталастар, эссе жазу, аналарға арналған жүрекжарды тілектер арқылы балалар өз алғыстарын білдірді.
Шаралар оқушылардың бойында ізгілік, қамқорлық, мейірімділік, сыйластық сынды адами қасиеттерді қалыптастыруға бағытталды.
🔐 Қауіпсіздік тақырыптары (10 минут)
Апта барысында әр жас ерекшелігіне сай қауіпсіздік бағытындағы маңызды тақырыптар да қамтылды:
👧 1–4 сыныптар
«Есік қағылды. Қауіпті қалай тануға болады?»
Бастауыш сынып оқушыларына бейтаныс адамдармен қарым-қатынас ережелері, үйде жалғыз қалғанда сақтық шаралары түсіндірілді. Қауіптің алдын алу, үлкендерге дереу хабарлау, сенімді мінез-құлық дағдылары ойын түрінде үйретілді.
👦 5–7 сыныптар
«Қақтығыс жағдайындағы қарапайым қадамдар» / «Простые шаги в конфликтной ситуации»
Орта буын оқушыларына жанжал туындаған жағдайда сабыр сақтау, эмоцияны басқару, диалог арқылы мәселені шешу жолдары түсіндірілді. Рөлдік ойындар арқылы оқушылар бейбіт қарым-қатынастың маңызын тәжірибе жүзінде көрді.
👩🎓 8–11 сыныптар
«Қауіпсіз қаржылық операцияларды жүргізу қағидалары. Қаржылық пирамидалардың қаупі»
Жоғары сынып оқушыларына қаржылық сауаттылық, интернет-алаяқтықтан сақтану, қаржылық пирамидалардың белгілері мен зияны туралы нақты ақпарат берілді. Оқушылар шынайы мысалдар арқылы алаяқтық схемаларды тануды үйренді.
📌 Апта аясындағы сынып сағаттары тәрбиелік және танымдық бағытты ұштастыра отырып, оқушылардың рухани-адамгершілік құндылықтарын, қауіпсіздік мәдениетін және азаматтық жауапкершілігін арттыруға ықпал етті.
«Адал азамат біртұтас тәрбие» бағдарламасының негізгі қағидаларына сай ұйымдастырылған бұл шаралар жас ұрпақтың бойында ата-анаға құрмет, елге деген сүйіспеншілік және саналы өмір салтын қалыптастыруға бағытталды.