СЫНЫП САҒАТТАРЫ МЕН ҚАУІПСІЗДІК САБАҚТАРЫ

21-апта (09.02–14.02) | Сынып сағаттары мен қауіпсіздік сабақтары

Шымкент қаласы білім басқармасына қарасты Ө.Жолдасбеков атындағы  №9 ІТ лицейінде  21-апта аясында тәрбиелік мәні жоғары, оқушылардың білімін кеңейтетін және қауіпсіздік мәдениетін қалыптастыратын мазмұнды сынып сағаттары ұйымдастырылды.

 Сынып сағатының тақырыбы:

«14 ақпан – Бүкіләлемдік кітап сыйлау күні» / «14 февраля – Всемирный день дарения книг»

Аталған тақырып аясында оқушылар кітаптың адам өміріндегі маңызы, оқуға деген қызығушылықты арттыру, кітап сыйлау арқылы ізгілік пен рухани байлықты насихаттау жөнінде пікір алмасты. Кітап – білімнің бастауы, ой-өрісті кеңейтетін және шығармашылыққа жетелейтін сенімді серік екені ерекше атап өтілді.

 Апта дәйексөзі:

«Шығармашыл бала – ойлы бала» / «Творчески мыслящий ребенок – вдумчивая личность»

Бұл нақыл сөз арқылы оқушыларды еркін ойлауға, қиялын дамытуға, ізденіске және өз көзқарасын қалыптастыруға тәрбиелеудің маңызы түсіндірілді. Шығармашылық – баланың тұлғалық дамуының негізі екені талқыланды.

 Қауіпсіздік сабақтары (10 минут):

Жас ерекшеліктеріне сай өрт қауіпсіздігі тақырыптары қамтылды:

 1–4 сыныптар:

«Балалардың отпен ойнауының алдын алу» / «Профилактические меры против игры детей с огнем» – тұрмыста сіріңке мен оттықты пайдаланудың қауіптілігі, қауіптің алдын алу жолдары айтылды.

 5–7 сыныптар:

«Тұрғын үйлердегі өрт кезіндегі іс-қимыл» / «Действия при пожаре в быту» – төтенше жағдайда дұрыс әрекет ету, эвакуациялау жолдары мен қауіпсіздік ережелері түсіндірілді.

 8–11 сыныптар:

«Табиғаттағы өрт қауіпсіздігі қағидалары» / «Правила противопожарной безопасности на природе» – орман мен далада от жағу тәртібі, экологияны қорғау, өрттің алдын алу мәселелері қозғалды.

 Өткізілген іс-шаралар оқушылардың кітапқа деген сүйіспеншілігін арттыруға, шығармашылық қабілеттерін дамытуға және өмір қауіпсіздігіне жауапкершілікпен қарауға бағытталды.

 Тәрбиелі ұрпақ – қауіпсіз қоғамның кепілі!