«ҚЫРАН ЕЛІМ- ҚАЗАҚСТАНЫМ !»ПАТРИОТТЫҚ АКЦИЯСЫ

Шымкент  қаласы білім  басқармасына  қарасты  Ө. Жолдасбеков  атындағы  №9 ІТ лицейімізде Республика күні мерекесіне арналған рухты іс-шара – «Қыран елім – Қазақстаным!» атты патриоттық акциясы өтті. Бұл бастама ел бірлігін, тәуелсіздік рухын және жас ұрпақтың отансүйгіштік сезімін дәріптеуді мақсат етті.

Акция аясында білім ұйымдарында Қазақстан Республикасының Мемлекеттік Гимні жаппай орындалды. Бұл сәт – әрбір оқушы мен ұстаздың жүрегін мақтаныш сезіміне бөлеген ерекше әсерлі көрініске айналды. Гимннің әуені мен қуатты сөздері арқылы барша қатысушылар еліміздің Тәуелсіздігіне, бейбіт аспанына, бірлігі мен өркендеуіне деген сүйіспеншілігін білдірді.

 «Қыран елім – Қазақстаным!» акциясы – ел мерейін асқақтатып, жас ұрпақтың бойында ұлттық сана мен азаматтық жауапкершілікті қалыптастыруға бағытталған тағылымды бастама. Мұндай шаралар – Біртұтас тәрбие бағдарламасының аясында жүргізіліп жатқан патриоттық және рухани құндылықтарды дәріптеудің айқын көрінісі.

 Егемен еліміздің символына айналған көк туымыз желбіреп, гимніміз асқақтата шырқалған бұл күн – әр жүректе мақтаныш пен бірлік рухын оятты!