15
қазан
2025
ТӘРБИЕ САҒАТЫ
Шымкент қаласы білім басқармасына қарасты Ө. Жолдасбеков атындағы №9 ІТ лицейімізде "Адал азамат біртұтас тәрбие" бағдарламасы аясында сынып сағаттары өтті 
13 қазан күні лицейімізде барлық 1-11 сыныптарда тәрбиелік және қауіпсіздік бағытындағы сынып сағаттары өткізілді. Сабақтар оқушылардың жас ерекшеліктеріне сай ұйымдастырылып, әр деңгейде өзекті тақырыптар қамтылды.
1–4 сыныптарТақырып: «ДОСБОЛLIKE – Буллингтен қорған!»
Кішкентай бүлдіршіндер достық пен сыйластықтың мәнін түсініп, бір-біріне құрметпен қараудың маңызын ұғынды.
Қауіпсіздік сабағы (10 минут):
– «Дүкендегі, супермаркеттегі мінез-құлық қағидалары»
– «Аялдау жолы және қозғалыс жылдамдығы» (ЖЖЕ №2)
Оқушылар күнделікті өмірде өзін қауіпсіз ұстау ережелерін үйреніп, әдеп пен тәртіпті сақтаудың — нағыз мәдениеттілік белгісі екенін түйсінді.
5–8 сыныптарТақырып: Қазақтың ұлы ақыны, ағартушы, саяси қайраткер Абай Құнанбаевтың туғанына 180 жыл
Оқушылар Абайдың өмірі мен шығармашылығына шолу жасап, оның адамгершілік пен білімге үндейтін өсиеттерін талқылады.
Қауіпсіздік сабағы (10 минут):
– «Интернеттегі қауіптер»
– «Автомобильдегі медициналық қобдиша» (ЖЖЕ №2)
Балалар интернеттегі қауіпсіздік ережелерін меңгеріп, жауапты қолданушы болудың маңызын түсінді.
9–11 сыныптарТақырып: «Ойынға салауатты көзқарас» (лудомания)
Жоғары сынып оқушылары арасында ойынға тәуелділік, уақытыңды тиімді пайдалану, өзін-өзі дамыту тақырыптары қозғалды.
Қауіпсіздік сабағы (10 минут):
– «Төтенше жағдайларда дұрыс әрекет ете білу»
Оқушылар өмірлік жағдайларда дұрыс шешім қабылдау, өзін және өзгелерді қорғау тәсілдерімен танысты.
Барлық сынып жетекшілер сынып сағаттарын жоғары деңгейде өткізіп, оқушылардың тұлғалық, рухани және әлеуметтік дамуына ықпал етті.Бұл іс-шаралар «Адал азамат» және «Қауіпсіз тұлға» құндылықтарын қалыптастыруға бағытталып, Біртұтас тәрбие бағдарламасы мақсаттарымен үйлесімді жүргізілді.
Мұндай мазмұнды кездесулер – лицейіміздің тәрбиелік кеңістігінде ізгілікті, қауіпсіз және құндылыққа бағытталған орта қалыптастырудың айқын көрінісі!