23
қыркүйек
2025
ТӘРБИЕ САҒАТЫ
«Еңбек – жай ғана қызмет емес, адам болмысының айнасы» / «Труд – это не просто деятельность, а зеркало человеческого бытия»
«Адалдық – атадан қалған мұра» / «Честность – наследие, оставленное отцами»Шымкент қаласы білім басқармасына қарасты Ө.Жолдасбеков атындағы №9 ІТ лицейде «Адал азамат» біртұтас тәрбие бағдарламасы аясында оқушылардың еңбекқорлығын, жауапкершілігін және адалдық құндылығын дамытуға арналған сынып тәрбие сағаттары өтті.
Сабақ барысында Абайдың «Еңбек – адам болмысының айнасы» деген даналық сөзі талқыланып, еңбекке адал көзқарастың әр адамның тұлғалық дамуына әсері түсіндірілді. «Адалдық – атадан қалған мұра» тақырыбында пікірталас ұйымдастырылып, оқушылар адалдықтың қоғамдағы рөлі туралы өз ойларын ортаға салды, өмірден және әдебиеттен мысалдар келтірді. Қауіпсіздік сағаты аясында Ақпараттық қауіпсіздік мәселелері қамтылды:интернеттегі жеке деректерді қорғау,
кибербуллингтің алдын алу,
қауіпсіз желіде қарым-қатынас жасау мәдениеті.
Бұл іс-шаралар – оқушылардың тек білімін ғана емес, өмірлік дағдыларын, адамгершілік құндылықтарын дамытуға, мектептегі қауіпсіз орта құруға бағытталған. 
Мақсатымыз: әрбір оқушыны еңбексүйгіш, адал, саналы азамат етіп тәрбиелеу, олардың ақпараттық сауаттылығын арттыру және қауіпсіз білім беру ортасын қалыптастыру.