ЖАСӨСПІРІМДЕР АРАСЫНДА БУЛЛИНГТІҢ АЛДЫН АЛУ

Ө.Жолдасбеков атындағы №9 IT лицейінде 9–10 сынып оқушыларына арналған « Буллинг » тақырыбында тағылымды сабақ өткізілді.

Сабақтың мақсаты – оқушылар арасында буллингтің алдын алу, құқықтық сауаттылықты арттыру және бір-біріне құрметпен қарау мәдениетін қалыптастыру.

Сабақты қала прокуратурасының басқарма бастығының орынбасары,Әділет кеңесшісі Ергешов Батыр Шақшанбайұлы жүргізді. Сабақ барысында буллингтің түрлері, оның салдары, заң алдындағы жауапкершілік туралы кеңінен түсіндіріліп, оқушыларға маңызды ақпараттар берілді.

Кездесу барысында оқушылар өздерін толғандырған сұрақтарын қойып, нақты әрі пайдалы жауаптар алды.

Осындай мазмұнды сабақтар жасөспірімдер арасында құқықтық мәдениетті қалыптастырып, қауіпсіз әрі қолайлы білім беру ортасын нығайтуға ықпал етеді.