СҮЙІНШІ ! КЕЗЕКТІ РЕСПУБЛИКАЛЫҚ ЖЕҢІС

Шәкіртіміздің биік белестерді бағындырып, білімімен даралануы — біз үшін үлкен мақтаныш!

Қазақстан Республикасы Оқу-ағарту министрлігі Республикалық қосымша білім беру оқу-әдістемелік орталығының ұйымдастыруымен өткен «Табиғатты аяла» жас өлкетанушылар, экологтар мен табиғат зерттеушілерінің республикалық форумына мектебіміздің мақтанышы Абибулла Зере қатысып, республика деңгейінде өз білімін дәлелдеп қайтты!

Зеренің экология мен табиғатты қорғау бағытындағы ізденісі, қоршаған ортаға деген жанашырлығы осындай жоғары деңгейде бағаланып, арнайы Сертификатпен марапатталды.

Осындай дарынды шәкіртті тәрбиелеп, бағыт-бағдар берген білікті жетекшісі — Маханбетова Ару Кожантаевнаға ерекше алғыс айтамыз!  Төгілген еңбек пен қажырлы дайындықтың жемісі — бүгінгі жетістік.

Зере қызымызға алдағы уақытта да ғылым мен ізденіс жолында үлкен табыстар, жаңа белестер тілейміз! Қанатың талмай, биіктерге самғай бер, Зере!