ЖЕТІСТІК-ТАБАНДЫЛЫҚ ПЕН ТАЛАНТТЫҢ ЖЕМІСІ ШАБЫТ ЖОБАСЫ

Шымкент  қаласы  білім  басқармасына  қарасты  Ө. Жолдасбеков атындағы №9 ІТ лицейіміз үшін қуанышты жаңалық!

Шабыт жобасы аясында "Жарқын болашақ" республикалық олимпиадасының қалалық кезеңінде "Жас қаламгер" бағыты бойынша 8 «Ғ» сынып оқушысы Әубәкір Інжу жүлделі ІІ орын иеленді.

Бұл жетістік – оқушының шығармашылық қабілеті, терең ойлау жүйесі мен сөз өнеріне деген ерекше қызығушылығының айқын дәлелі. "Жас қаламгер" бағыты – тек жазу шеберлігін ғана емес, сонымен қатар ұлттық құндылықтарды дәріптеу, ойды көркем жеткізу, қоғамға өз көзқарасын білдіру мәдениетін қалыптастыратын маңызды алаң. Осындай додада топ жарып, жүлделі орынға ие болу – үлкен еңбек пен ізденістің нәтижесі.

Інжудің бұл жеңісі – жас ұрпақтың рухани дамуы мен шығармашылық әлеуетінің жоғары деңгейде екендігін көрсетеді. Сонымен қатар, бұл жетістік білім ордамыздағы сапалы білім мен тәрбие жұмысының нәтижелі жүргізіліп жатқанын айғақтайды.

 Жас қаламгерімізді шын жүректен құттықтай отырып, алдағы уақытта да биік белестерді бағындыруына тілектеспіз!

 Қаламың ұштала берсін, шабыт пен шығармашылық табыс серік болсын!