“БІЗДІҢ БОЛАШАҚ ІЗІМІЗ “ ТАҚЫРЫБЫНДА ПСИХОЛОГИЯЛЫҚ-ШЫҒАРМАШЫЛЫҚ ТРЕНИНГ

Ө.Жолдасбеков атындағы №9 IT лицейінің 11 “Ә” сынып оқушыларының қатысуымен «Біздің болашақ ізіміз» тақырыбында психологиялық-шығармашылық тренинг өткізілді.

 Тренингтің мақсаты: Оқушылардың өзара жағымды қарым-қатынасын нығайту, болашаққа деген сенімін арттыру, достық пен бірлікті қалыптастыру.

Тренинг барысында оқушылар жүрек арқылы бір-біріне ақ тілектерін арнап, жылы лебіздерімен бөлісті.  Шынайы тілектер мен ізгі сөздер оқушылардың көңіл-күйін көтеріп, сыныптағы татулық пен өзара қолдау атмосферасын нығайта түсті.

Сонымен қатар, оқушылар түрлі түсті алақан іздерін қалдыру арқылы өздерінің болашаққа деген сенімін, армандары мен мақсаттарын бейнеледі.  Әрбір із — жарқын болашаққа жасалған қадамның, үлкен арман мен үміттің символына айналды.

Шығармашылық жұмыс барысында оқушылар өз ойларын еркін жеткізіп, бір-біріне қолдау көрсетіп, ерекше әсерге бөленді. Осындай тренингтер оқушылардың эмоционалдық көңіл-күйін көтеріп қана қоймай, өзара түсіністік пен достық қарым-қатынасты нығайтуға ықпал етеді.

 «Біздің болашақ ізіміз» тренингі оқушыларға көтеріңкі көңіл-күй сыйлап, жүректерінде ұмытылмас жылы естелік қалдырды.