02
мамыр
2026
БІРЛІККЕ ТОЛЫ БОЯУЛАР ӘЛЕМІ
1 мамыр — Қазақстан халқының бірлігі күніне орай Ө.Жолдасбеков атындағы №9 IT лицейінінің педагог-психологтары Ә.Б.Бектаева мен Е.А.Пузанкова бастауыш сынып оқушылары арасында
«Бірлікке толы бояулар әлемі» аттыарт-терапиялық бормен сурет салу іс-шарасын ұйымдастырды.
Іс-шараның басты мақсаты — балаларға бірлік, достық, татулық құндылықтарын насихаттау және олардың шығармашылық қабілеттерін дамыту болды.
Оқушылар асфальт бетіне түрлі-түсті бояулармен өз қиялдарын бейнелеп, бірлік пен бейбіт өмірдің жарқын көрінісін көрсете білді. Әрбір суреттен мейірім, достық және шынайы балалық қуаныш сезілді.
Белсенділік танытып, ерекше шығармашылық жұмыстарымен көзге түскен оқушылар марапатталды.Осындай игі шаралар балалардың жүрегіне жылы әсер қалдырып, олардың бір-біріне деген сыйластығын арттыра түсетіні сөзсіз 
Баршаңызды мерекемен құттықтаймыз!
Бірлігіміз нығайып, еліміз аман, аспанымыз ашық болсын!